Demystifying Inbound Methodology & Flywheel Concept -

Demystifying Inbound Methodology & Flywheel Concept

ခေတ်ရေစီးကြောင်းတွေ ပြောင်းလာတာနဲ့အမျှ ဝယ်သူတွေရဲ့ buyer behavior တွေဟာလည်း သိသိသာသာ ပြောင်းလဲလာတာကို တွေ့ရပါတယ်။ တစ်ခုခုဝယ်ယူတော့မယ်ဆိုရင် ကိုယ်တိုင်သေချာ research လုပ်လာကြပြီး အများကြီးထဲကမှ အဆင်ပြေဆုံးဖြစ်မယ်လို့ ယုံကြည်တာကို ရွေးချယ်လာကြပါတယ်။ ဒါကြောင့် dynamic ဖြစ်တဲ့ market ထဲမှာ ယ်သူ တွေရဲ့ ယုံကြည်မှုကို ရယူပြီး ဦးဆောင်နိုင်ဖို့အတွက် လုပ်ငန်းတွေအနေနဲ့လည်း လိုက်ပြီး ပြောင်းလဲဖို့ လိုအပ်လာပါတယ်။

What is a Flywheel Model?

အရင်ကတော့ sales process မှာ lead progress ကနေ purchase လုပ်သွားတဲ့အထိ funnel model ကိုအသုံးပြုကြပါတယ်။ Funnel model က အားလုံးသိကြတဲ့အတိုင်း “ကတော့” လိုဖြစ်တဲ့အတွက် customer ဖြစ်သွားပြီဆို  funnel ထိပ်ဝကို ရောက်သွားပြီး customer တွေက funnel ထဲက ပြန်ထွက်သွားတဲ့သဘောဖြစ်ပါတယ်။ Customer ဖြစ်ပြီးသားလူတွေကို အနာဂတ်မှာ ဘယ်လိုဆက်ပြီး grow လုပ်မယ်ဆိုတဲ့ဆိုတဲ့ concept က funnel မှာဆို ပျောက်နေတာကို တွေ့ရမှာပါ။ 

HubSpot က ဒီ funnel ကို modify လုပ်ပြီး customer ကို အလယ်မှာဗဟိုပြုတဲ့ Flywheel model ကို စတင်မိတ်ဆက်ခဲ့ပါတယ်။ ကိုယ့်လုပ်ငန်းရဲ့ ဘယ်နေရာကနေ customer နဲ့ ထိတွေ့ခဲ့သည်ဖြစ်စေ အဆုံးမှာတော့ customer က Flywheel ရဲ့ အလယ်ဗဟိုမှာပဲ ရှိရမှာဖြစ်ပါတယ်။ Customer ကို center မှာထားပြီး သူတို့ရဲ့ လိုအပ်ချက်တွေကို ပြည့်စုံစေမယ့် အရာတွေ၊ ဝန်ဆောင်မှုတွေကိုကို ပံ့ပိုးပေးရပါမယ်။ ဒီနည်းအားဖြင့် flywheel ကဆက်လည်နေမှာပဲ ဖြစ်ပါတယ်။ Flywheel လည်ပတ်နေဖို့အတွက် Inbound Methodology ကအဓိကထောက်တိုင်ဖြစ်ပါတယ်။ ဒါကိုလည်း အောက်မှာ ဆက်ရှင်းပြသွားပါမယ်။

the-comparison-of-funnel-and-flywheel-model

What is Inbound Methodology?

အရင်တုန်းကတော့ လုပ်ငန်းတော်တော်များများက products တွေရောင်းတော့မယ်ဆိုရင် outbound method ကိုပဲ သုံးကြတာများပါတယ်။ ကိုယ့် product ကို လိုက်မိတ်ဆက်တာတွေ၊ cold call တွေခေါ်ပြီး လိုက်ရောင်းတာတွေ လုပ်ကြပါတယ်။ Digital era မှာတော့ traditional outbound way တွေက ထင်သလောက် အလုပ်မဖြစ်တော့ပါဘူး။ ရောင်းခံရတာကို ဘယ်သူမှ မကြိုက်ကြပါဘူး။ ကျွန်တော်တို့ရဲ့  needs & wants တွေကို ဖြည့်စည်းပေးနိုင်မယ့် အရာတွေကိုသာ ကိုယ်တိုင် လိုလိုလားလား ဝယ်ယူလိုကြတာ ဖြစ်ပါတယ်။ ဒါကြောင့်လည်း customer focus ဖြစ်တဲ့ inbound methodology က စတင်ဖြစ်ပေါ်လာတာ ဖြစ်ပါတယ်။ 

ဝယ်သူ တွေရဲ့ purchasing decision ချတာတွေပေါ် မူတည်ပြီး သူတို့ရဲ့ goal ကိုရောက်အောင် ဖြည့်စည်းပေးခြင်းဖြင့် ကိုယ့် customer ဖြစ်လာအောင်လုပ်ဖို့ ရည်ရွယ်ထားတဲ့ methodology ဖြစ်ပါတယ်။ Inbound Methodology မှာ Attract, Engage နဲ့ Delight ဆိုတဲ့ Key phase 3 ခု ပါဝင်ပါတယ်။ 

three-stages-of-the-inbound-methodology

Attract Stage

ပထမဆုံး Phase ဖြစ်တဲ့ Attraction အဆင့်ကတော့ audience ကို ကိုယ့် brand ဆီရောက်လာအောင် ဆွဲခေါ်တဲ့အဆင့် ဖြစ်ပါတယ်။ ကိုယ့်လုပ်ငန်းကို ဝယ်သူ တွေ သတိထားမိအောင်လုပ်တဲ့ သဘောဖြစ်ပါတယ်။ တစ်နည်းအားဖြင့် pull strategy ပေါ့။ ဒီလိုဆွဲခေါ်နိုင်ဖို့ဆိုရင် ဝယ်သူ တွေရဲ့ needs တွေ interest တွေကို အရင်ဆုံး နားလည်ဖို့လိုပါတယ်။ ပြီးမှ အဲ့ဒီ insight တွေပေါ်မူတည်ပြီး blog တွေ၊ eBooks တွေ၊ guide တွေ အစရှိတဲ့ သက်ဆိုင်ရာ valuable content တွေ၊ resource တွေ ဖန်တီးရပါမယ်။ ပြောရမယ်ဆိုရင်တော့ ကိုယ့် brand ကို သတိထားမိအောင် ဝယ်သူ တွေလိုအပ်မယ့် resource တွေကို offer လုပ်ပြီး ဝယ်သူ တွေ ကိုယ်ဆီရောက်လာအောင် ဆွဲယူတာဖြစ်ပါတယ်။ 

နောက်အချက်အနေနဲ့ကတော့ ကိုယ့် brand ရဲ့ online presence ဟာ visible ဖြစ်နေဖို့ပါ။ SEO၊ SEM၊ Paid ads အစရှိတာတွေနဲ့ audience ကို target ထားပြီး ကိုယ့် social platform တွေနဲ့  website ကိုရောက်လာအောင် attract လုပ်ရပါမယ်။ ဝယ်သူ က လိုအပ်လို့ ရှာဖွေတဲ့အခါ ကိုယ့် brand ကို အလွယ်တကူ ရှာတွေ့နိုင်အောင် ပြင်ဆင်ထားရပါမယ်။ ကျွန်တော်တို့ကိုယ်တိုင်လည်း purchasing power  မြင့်တဲ့ပစ္စည်းတွေ ဝယ်ဖို့ စဉ်းစားပြီဆို resource တွေရှာ၊ content တွေဖတ်၊ review တွေကြည့်ပြီး ယုံကြည်ရလောက်တယ်ဆိုတဲ့ brand တွေကိုပဲ ထည့်သွင်းစဉ်းစားကြတယ် မဟုတ်လား။ ဒီသဘောပါပဲ။ 

Engage Stage

Attraction Stage ပြီးတော့ Engage အဆင့်မှာဆိုရင် ဝယ်သူ က ကိုယ့် brand နဲ့ relationship စမယ့်အချိန် ဖြစ်ပါတယ်။ သူတို့ရဲ့ pain point ကိုနားလည်ပြီး သင့်တော်တဲ့အကြံဉာဏ်၊ content တွေ provide လုပ်နိုင်တယ်ဆိုရင် ယုံကြည်မှုကို ရယူနိုင်မယ့် အဆင့်ဖြစ်ပါတယ်။ attract အဆင့်က ရလာတဲ့ visitor တွေကို lead ဖြစ်လာအောင် စပြီး convert လုပ်လို့ရတဲ့ stage ဖြစ်ပါတယ်။ တစ်နည်းအားဖြင့် lead generation လုပ်တာလို့လည်း ပြောလို့ရပါတယ်။ ဒါပေမယ့် Deal close ဖို့ဆိုတာထက် ဝယ်သူ နဲ့ ကောင်းမွန်တဲ့ long term relationship ကို တည်ဆောက်တာမျိုးဖြစ်ရပါမယ်။ သူ့တို့ရဲ့ လိုအပ်ချက်တွေကို နားလည်ပြီး အဲ့ဒီလိုအပ်ချက်တွေကို ကိုယ့် brand က ဖြည့်ဆည်းပေးနိုင်မယ်ဆိုတာကို ပြသပေးနိုင်ရပါမယ်။ 

ဥပမာ – website မှာ live chat ထားပေးထားပြီး ဝယ်သူ တွေ တစ်ခုခု လာမေးတိုင်း ဖြေပေးတာ၊ သူတို့ရဲ့ interest ပေါ်မူတည်ပြီး ကိုက်ညီတဲ့ recommendation တွေပေးတာ စသဖြင့် ဝယ်သူ နဲ့ engage လုပ်နေရပါမယ်။ ကိုယ် Attract လုပ်ထားတဲ့ ဝယ်သူ တွေရဲ့ စိတ်ဝင်စားမှု လျော့ကျမသွားအောင် personalized experience တွေ ပေးပြီး တောက်လျှောက် engage လုပ်ရမယ့် stage ဖြစ်ပါတယ်။ HubSpot ရဲ့ research အရ 94% သော ဝယ်သူ တွေဟာ သူတို့နဲ့ မသက်ဆိုင်တဲ့ promotion တွေ၊ marketing messages တွေကြောင့် လုပ်ငန်းတွေနဲ့ communication ဖြတ်တောက်ကြပါတယ်။ ဒါကြောင့် သက်ဆိုင်ရာ target audience အရ segment လုပ်ဖို့နဲ့ personalization လုပ်ဖို့ကိုလည်း မမေ့ဖို့လိုပါတယ်။

Delight Stage

Delight stage ကတော့ customer တွေကို remarkable experience ပေးတဲ့အဆင့်ဖြစ်ပါတယ်။ Remarkable experience လို့ပြောတဲ့နေရာမှာ customer ကိုမှ ပေးရမှာ မဟုတ်ဘဲ၊ prospects တွေ၊ လာစုံစမ်းတဲ့သူတွေအကုန်လုံးကိုပါ ဆိုလိုပါတယ်။ Customer တွေက ကိုယ်ပေးတဲ့ service, product တွေကို ကျေနပ်တယ်ဆိုရင် ကိုယ့် Loyal customer ဖြစ်လာနိုင်ပါတယ်။ ကိုယ်နဲ့ customer ကြားက Long term relationship မှာပိုအားကောင်းလာတယ်ဆို Happy promoter တွေပါ ဖြစ်လာနိုင်ပါတယ်။ 

Service ကို အသားပေးပြောနေတာကြောင့် Customer Service team နဲ့ပဲ ဒီ stage က သက်ဆိုင်တာလို့ ထင်ကောင်းထင်နိုင်ပါတယ်။ Customer တွေအတွက် ကောင်းမွန်တဲ့အတွေ့အကြုံတွေ ဖန်တီးပေးဖို့ဆိုရင် customer facing team အားလုံးနဲ့ သက်ဆိုင်ပါတယ်။ ဥပမာ – Marketing team က how to video လိုမျိုး helpful content တွေ ဖန်တီးပြီး share ပေးတာ၊ knowledge sharing blog တွေ မျှဝေပေးတာ၊ Sales team က prospecting ကာလမှာရော၊ after sales ကာလမှာပါ care လုပ်ပေးတာ၊ Service team က feedback survey တွေကောက်ပြီး customer တွေရဲ့ အသံကို နားထောင်ပြီး customer satisfaction rate မြင့်လာအောင် ဆောင်ရွက်တာမျိုးတွေ ဖြစ်ပါတယ်။ 

Inbound Methodology and Flywheel 

အပေါ်မှာ ပြောခဲ့သလိုပဲ Inbound Methodology က အဆင့် (၃) ဆင့်ဟာ Flywheel လည်အောင် ပံ့ပိုးပေးရတဲ့မြှားတွေဖြစ်ပါတယ်။ ရှိနေတဲ့ customer တွေကို ကောင်းမွန်တဲ့ experience တွေပေးပြီး positive relationship တည်ဆောက်ရပါမယ်။ Happy customers တွေက happy promoter တွေဖြစ်တဲ့အတွက် ၎င်းတို့မှတစ်ဆင့် lead အသစ်တွေ ထပ်ရလာနိုင်ပါတယ်။ Lead တွေကို customer အဖြစ် convert လုပ်နိုင်အောင် ကြိုးစားပြီး ထို customer  ကနေ နောက်ထပ် အသစ်သစ်သော customer တွေ ဆက်ရလာမှာ ဖြစ်ပါတယ်။ ဒါကြောင့် Phase သုံးခုလုံးမှာ အားစိုက်ထုတ်လုပ်မယ်ဆိုရင် ရလဒ်အနေနဲ့ ပြောင်မြောက်တဲ့ customer experience တွေ ပေးစွမ်းနိုင်မှာဖြစ်ပြီး Flywheel က ဆက်လက်လည်ပတ်နေမှာ ဖြစ်ပါတယ်။ Flywheel ဆက်လည်ပတ်နေသ၍ လုပ်ငန်းကလည်း တိုးတက်နေမှာ ဖြစ်ပါတယ်။ ကြားထဲမှာ friction တွေဖြစ်လာပြီး Flywheel ရဲ့ လည်ပတ်နှုန်းနှေးသွားတယ်ဆိုရင်လည်း Attract, Engage နဲ့ Delight ဒီသုံးခုမှာ အဖြေပြန်ရှာပြီး Flywheel ကို အရှိန်နဲ့ ပြန်လည်ပတ်နိုင်အောင် ပြုလုပ်သွားသင့်ပါတယ်။

the-concept-between-inbound-methodology-and-flywheel

ဒီလောက်ဆိုရင်တော့ Inbound methodology နဲ့ Flywheel concept ကို တော်တော်နားလည်သွားလိမ့်မယ်လို့ မျှော်လင့်ပါတယ်။ ဒီလိုမျိုး blog တွေ ထပ်ဖတ်ချင်တယ်ဆိုရင်တော့ B360 ရဲ့ blog page မှာ သွားရောက်ဖတ်ရှုနိုင်ပါတယ်။